|
＊台灣不知道〔林文隆〕是誰的 可能有９５％
台灣沒有唱過或聽過哼過〔友情．紅瓦厝〕的 可能只有５％
這位在花蓮最南端富里成長的音樂家
是台灣第１位詞曲創作都充滿人文關懷的音樂家
不似某些自詡為什麼家或以什麼師自詡的 成天造口業 幸好沒幾隻小貓觀其作
否則 越多人看 業越加深重 天佑台灣啊∼∼∼∼∼∼
【友情】の林文隆仙e所唱的【孤戀花】 風微微 風微微 孤單悶悶在池邊
水蓮花 滿滿是 靜靜等待露水滴
啊....啊....阮是思念郎君伊
暗相思 無講起 欲講驚兄心懷疑 月光暝 月光暝 夜夜思君到深更
人消瘦 無元氣 為君唱出斷腸詩
啊....啊....蝴蝶弄花也有時
孤單阮 薄命花 親像瓊花無一暝 月斜西 月斜西 真情思君君毋知
青春叢 誰人害？變成落葉相思栽
啊....啊....最想郎君的情愛
獻笑容 暗悲哀 期待陽春花再開 〔孤戀花〕這首歌，自我細漢的時著聽我阿姊迭迭在唱，會記 leh 細漢的時，阮兜真鬧熱，因為有２個阿嬤，所以親成５０足濟足濟，怹彼爿的人攏會唱會噴喔，我第４的阿姊會曉彈古箏，兮第５、第６阿姊真能唱歌，我的爸爸真能噴笲仔喔，所以暗也若到、阮兜的稻埕著有夠鬧熱，這陣 ka 回想起來，原來我今仔日會行入作詞作曲偕唱歌的工作行列，根本著是在細漢的時著註定好也 ma，兮這是題外話，ka 暫請１ 邊。 我有講過楊三郎先生偕周添旺先生的相遇相知，所以再復有怹兩人合作的作品留落來，這首〔孤戀花〕無論是詞也好曲也好，一直是我又愛又欣羨的好作品，我愛的是歌詞，１開始借風微微仔吹，吹出悶悶的心意，借月斜西來描寫又復空等１暝的無奈，周先生的這種手法，莫怪楊先生會對周先生的作品者爾也喜愛，所以在敬佩的心情下，毋敢了了草草著ka 完稿，毋纔有好作品出爐。
楊三郎先生在這首的旋律中，雖然有用著Ｆa 偕Ｔi 這２音，但是攏巧妙只用在短短的時間著斡對別音去，楊三郎先生有去日本學３年的作曲偕編曲，但在這首歌的運用、雖然有用著Ｆa、Ｔi 這日本歌曲慣用的２音，卻是無半點的日本歌味，這點予後輩人有真好的模範，雖然講音樂無分國籍，但是家己的本土意識總是未使迷失去也！（＊Ringo私下改部份用字）
[ 講解 ]
[ 歌聲 ]
 文隆仙用心唱台灣－龜山島
阿娘的目屎－友情的文隆仙詞曲創作與演唱
|
♥台灣網路音樂廳♥
專治氾濫馬上瘋症：抱馬腿.拍馬屁.聞馬糞前服用∼避免如李小龍１命嗚呼
